limoko

新報         2001-06-05
讀者胡×君來信問我﹐佢話最近小便時見尿液混有血液﹐但小便時又不痛﹐醫生檢查過佢嘅身體﹐證實並無性病﹐佢問我點解﹖

喺中醫學上﹐血尿係不同於淋症﹐前者一般係唔會有尿痛。血尿嘅成因好多﹐有虛有實﹐多與腎有關﹐或屬陰虛火旺﹐或屬脾腎不固。若然係腎陰虛﹐水不涵木﹐肝木火動﹐灼傷咗血脈因而導致血隨尿出。另一個可能係腎虛封藏失司﹐不能固攝﹐遂至血溢脈外﹐滲入水道而致血尿。如果屬‘陰虛火旺’﹐症見小便頻數帶血﹐頭暈耳鳴﹐可服下方﹕

知母三錢､黃柏三錢､丹皮三錢､茯苓三錢､澤瀉三錢､生地五錢､生藥五錢､山萸四錢､小薊四錢､旱蓮草七錢､側柏葉三錢､生龍骨一両､茜根四錢﹐用清水煎服﹐日服一劑。另外﹐可兼用白茅根二両﹐用水煎服當茶飲用。