東方新地
P082-086 | 聽我講 | By 李珮洳 2014-04-07
標示關鍵字 標示關鍵詞並按此開始搜索
我們都是看 AV長大的 杜汶澤
青春期的男生，對女性胴體及性產生興趣是正常不過的事，上一代的香港家長往往最怕向子女解答性疑問，對於性教育採取避得就避的態度。任何有關性的問題，答案只會搬出一句「大過啲你就會明㗎啦！」父母逃避，唯有自己尋找答案，日本的AV女優在年輕人的成長階段，擔當着重要的角色。追溯至較早期的飯島愛，再到夕樹舞子及蒼井空，她們除了是大部分男士心目中的女神，更是他們的性教育導師！
乳頭啄中眼
《3D豪情》中杜汶澤與五位AV女優埋身肉搏，其中一位是不少男士們昔日的女神夕樹舞子，簡直令人羨慕得牙癢癢。還有被譽為人類最強body的沖田杏梨。阿澤回想起與對方的對戰禁不住搖頭嘆息說：「講緊42L（上圍）呀，官能上已經夠晒刺激同夠晒誇張啦，我真係俾佢撞到我頭暈呀。場戲講佢喺車廂襲擊我、胸壓我，不停撞我後尾枕。有一下我忍唔住嗌咗出嚟，導演就鬧我話呢個take好好，點解我忍唔住要嗌。我就同佢講，大佬呀，佢粒lin頭啄到我隻眼好痛呀，點忍呀！」之後阿澤再以元蹄比喻42L沖田杏梨的胸部，「你哋有冇食過元蹄？去街市買兩，老細話五斤四一隻，之後一掉元蹄落肉枱咪會發出『撻』一聲，佢對胸就係有咁重啦。我仲??過呀，佢對嘢堅㗎！」今次與沖田杏梨、辰巳唯、夕樹舞子、葵司以及麻生希五位合作，阿澤切切實實體會到日本AV女優的專業態度，反而在宣傳階段香港記者對女優發問的問題，令他感到有點不尊重她們。「其實唔可以問佢哋點解要拍呢類戲，但香港記者偏偏問咗好多次。頭先有一個仲走去問夕樹舞子依家年紀咁大，驚唔驚新入行嘅對手，呢啲問題佢哋覺得好冇禮貌。」
最佩服麻生希
在多場肉搏戲中，令阿澤留下最深印象的是麻生希，「佢係好紅嘅AV女優，去到片場好cool，大家只係say咗個hi就各自坐埋一邊等埋位。一roll機劇情講佢呢個Miss幫我呢個學生body check侵襲我。佢騎上嚟我度，我心諗兄弟大家素未謀面唔使咁呀，佢直頭好似真係做一樣七情上面。呢場戲我有着到打底褲，拍完我feel到條褲濕濕地，死啦唔通我咁差！咁我咪要食咗東亞病夫四隻字，中學生咩仲做夢遺大師。後來我先知道唔關我事，係對方有反應，呢一刻我覺得麻生希係天生嘅四級色情演員。情況就好似我老婆拍劇對住啲三九唔識七嘅人，個劇本又好求其，一roll機叫佢喊就喊，只不過麻生希同我老婆整濕嘅嘢唔同。」面對多位女優，阿澤承認有生理反應，更笑言假若無的話是不尊重對方。「我有反應都好正常啫，叫做係咁意啦，即係你拍戲俾甄子丹打一拳冇理由完全冇反應㗎，唔死得你都偷笑啦。依家講緊係同AV女優拍戲喎，你無反應的話，當人哋係Lu Lu定Robert呀？」
第一代性書大亨
AV在眾多男生的成長過程中是不可缺的，阿澤對鹹書鹹帶亦相當沉迷，中學時已成為第一代性書大亨。「第一次接觸鹹書係中一二，同學之間會傳來傳去輪住睇，如果中間有幾頁揭唔開大家明乜事啦。當年啲鹹帶永遠都冇名㗎，我衰到寫《81/2》呢啲藝術片名上去，包阿媽唔會睇。當年我去舊書檔買一堆鹹書，十蚊買番嚟，租就一兩蚊、如果想買斷就15、6蚊，呢啲真係dirty money，我咁做可以令同學仔免卻去買鹹書時嘅尷尬情形。」由於阿澤得罪了一位同學被對方報寸，阿Sir帶住幾個風紀捉拿他，幸好他事前收到風，結果連書包帶書掉落樓，加上死口唔認，最後大步檻過。「呢件事之後我損失慘重呀，最心痛有本陳寶蓮封面嘅《Penthouse》冇埋，呢本係我人生最鍾意嘅鹹書，嗰次之後我冇再做租書賣書啦。」
香港土炮鹹書當中，阿澤最愛的是《藍皮書》，因為有鹹相之餘，更有黑社會情報以及國際性大事，集多種話題於一書。「以前最鍾意睇係《藍皮書》，第一本擁有嘅係《Playboy》，總之《Playboy》就傳統啲、《Penthouse》就多啲堅嘢睇，《Hustler》就最勁。」數到香港出名的鹹書之一《龍虎豹》時，阿澤忍不住唱出耳熟能詳，寄調譚詠麟〈夏日寒風〉的幾句歌詞，「龍虎豹好睇好睇，但係又好鬼貴， 顏色美麗，圖片夠勁， 獨在廁所中，慢慢睇。」
帶飯島愛VCD被扣留
雖然AV女優新人輩出，但至今仍令阿澤未能忘懷的只有飯島愛，他更因為攜帶飯島愛VCD入越南而被捕。「當年我返越南一段日子拍戲，咁悶梗係喺屋企拎部手提VCD機再加多隻飯島愛走人啦。過關時俾人搜到捉入房。個海關話This is not good, you know? This VCD is very serious, you know?一邊講隻手就放頸前做個割喉手勢。講完行咗去，我一個人留喺間房成個鐘。轉頭佢帶多幾個人嚟，當時我有隻撈（勞力士），預備除出嚟俾佢時，佢又話，This VCD cannot bring into Vietnam, if…聽到if我即時戴番隻錶。跟住佢再講If this VCD is mine, then is ok. Do you understand?我第一時間答understand, I am very sorry! This VCD of course is you！」一隻飯島愛VCD差點令阿澤命喪越南，現時回想起來他寧願獻出勞力士，都不想失去飯島愛，因為現時有錢都買不到！
鹹濕仔阿澤透露年少時沉迷看AV，為了不浪費時間達到效果，自製了一盒超級鹹帶，又名鹹帶之王。「好多AV啲前戲好悶又casting又跟蹤，於是我問隔籬屋借多部錄影機過帶，剪晒啲戲肉入一盒帶，最後搬屋唔見咗。」很多青少年在家中睇鹹書試過被母親撞破，當年讀中學的阿澤被母親發現時感到相當羞恥，竟然用氣槍射自己腳認錯。「諗起都覺得自己戇居，阿媽周到我有本《Playboy》喺枕頭底我走去射自己隻腳，阿媽反鬧我黐線唔睇咪得囉。其實以前我真係色情狂一名，試過換燈膽跌落地撞親下邊，成個星期冇得睇好唔開心，仲驚到以為自己唔得。」不過經過《3D豪情》的拍攝後，令阿澤對AV暫時失去興趣，他強調是患上了人體恐懼症。
日本AV演員夠專業
拍攝《3D豪情》之前劇組與日本AV演員解釋電影屬三級片而不是四級，所以重要部位要貼上膠紙，但一眾日本AV女優不明為何要黐膠紙，最後阿澤為表尊重亦全裸上陣「講真我好有寶咩，做乜人哋除晒我要着，入鄉就要隨俗。《龍虎風雲》入邊發哥黐個錄音機喺肚，扯出嚟嗰吓都辛苦啦，何況我支係錄音筆。」經過今次與AV女優的合作，阿澤體會到何為專業工作態度，返港後遇到要求多多的對手曾試過發脾氣。「好多演員呢樣唔得嗰樣又唔得，有時叫佢哋拍場戲係放工返屋企沖完涼着住件tee，唔戴胸圍飛釘，佢哋話飛釘要另外再慢慢傾，喺外國呢啲事普通到不得了。你睇番TVB《金枝慾孽》仲離譜，搞嘢時連人帶髻瞓低搞，第二朝起身個髻原封不動。」回顧香港曾拍三級片的演員，以為阿澤第一時間首選李麗珍，點知他揀金啫神徐錦江：「講起三級片我最深印象係徐錦江，自細我已經好想做佢，好鍾意佢嘅硬朗，同埋好記得吳啟華嗰套戲，下邊斷咗駁條馬X上去！仲有仲有AV我最鍾意未忘人系列，個兄弟呢頭死咗，男主角走去安慰阿嫂，講唔夠幾句就搞佢，真係好冇性㗎！」文字上的描述只可到此為止，因為再打落去只會整句句子有一半以上是以交叉取代！
闖禍
早前阿澤在facebook的留言引來內地網民抨擊，之後引發與黃秋生之間的小風波。訪問最後問到他會否考慮停止玩facebook避開是是非非，他表示：「任何事都會有了結，做人對任何事都唔好睇得咁實在，有啲嘢明明好好，結果會點？如果好差結果又會點？做咗幾十年人有乜未經歷過！」結果，日前阿澤不是facebook出事，而是口不擇言得罪了容祖兒。
阿澤是時候想想自己曾講過的「有啲嘢明明好好，結果會點？」結果就是明明好好的朋友，搞到人家發嬲，希望二人可早日和好！
撰文：李珮洳攝影：蔡榮章設計：Kee場地提供：Faces Music Lounge
文章編號: 201404079920848
