遭無線梳頭阿姐歧視李家仁冇粉用發真火
蘋果日報
C04 | 娛樂名人 2012-03-19
小明發火，非同小可。憑一曲《小明上廣州》走紅的李家仁醫生，日前為無線拍攝兒歌MV，欲使用令頭髮出鏡時顯得濃密的增發纖維粉時，沒料到遭人一口拒絕，又暗嘲兒童組一向不受重視，令李醫生大動肝火挺身向高層投訴。
本報接獲消息，本月11日李家仁醫生到無線錄影兒童節目《放學ICU》，在整理頭髮期間，李醫生要求當值髮型師在頭髮上灑小許增發纖維粉，令出鏡時頭髮看來濃密些，沒料遭拒絕並暗嘲兒童組一向不受重視。李醫生有感受辱及為兒童組抱不平，遂向無線高層投訴。
戲劇組大曬
日前記者致電李醫生求證，他承認說：「嗰日我拍兒歌《小明做特首》MV，我問有冇黑色嗰啲粉（增發纖維粉）用，嗰位阿姐話：『冇，嗰啲系戲劇組嘅。』我同佢講我以前都有用，佢就一味話嗰啲系戲劇組嘅，我問佢點解以前有呢？佢就話系戲劇組用剩……我心諗，點解咁樣嘅大佬？我又唔系戲劇組，又唔系TVB雇員，我只系話畀你聽我以前有用，你唔畀咪算囉！乜都系戲劇組，不如淨系戲劇組先至准用化妝間！」
李醫生越講越勞氣：「我想問系咪戲劇組請你？定系TVB請你？點解咁樣對個嘉賓？如果我都系咁樣對待，其他兒童組嘅小朋友、同事咪仲難堪？所以我要話畀監製聽就系咁解，畀啲高層知嚇，呢個阿姐唔系第一次咁嘅態度。」記者昨日致電《放學ICU》監製曾廣平瞭解，他說：「仲瞭解緊，仲未有result出嚟。」
採訪：林妃
