忽然一周
SW110-111 | ENTERTAINMENT歐洋風 | 歐洋風 2014-04-25
標示關鍵字 標示關鍵詞並按此開始搜索
無限X可能
X,既係英文字母又係羅馬數字,係粗口代號同時係代數。
X咁多意思,自然衍生無限X可能,你睇下X-Men變種特攻,都係多咗個X字之嘛,但總共製作咗3齣主題電影,兩套番外篇加一套前傳,嚟緊仲會上映前傳續集《未來同盟戰》,一班舊雨新知全部晒出嚟,好X大堆頭!
一套電影拍出N集咁多,唔悶咩?問問自己,係咪Marvel所有乜乜奇俠都睇晒先?咪係囉,你自己都答咗啦!
事實上,《變種特攻》迄今為止,都只係得6集(詳見附表):頭3集X教授VS磁力王,兩集狼人番外篇,另加一集前傳。而今集《未來同盟戰》將會係前傳續集,當中更會大玩時空穿梭。
年份電影2000變種特攻2003變種特攻22006變種特攻:兩極爭霸2009變種特攻:狼人外傳(番外篇)2011異能第一戰(前傳)2013狼人:武士激戰(番外篇)
救救X-Men
未正式介紹之前,先補充上集《異能第一戰》少少劇情。話說X教授因緣際會下認識磁力王。當時X-Men備受排擠,兩人於是招募隱世異能人,並成立聯盟。可惜最終反目收場,X教授更意外被磁力王打傷,搞到半身癱瘓。今集《未來同盟戰》(美國、香港5月22日同步上映)設定喺《變種特攻:兩極爭霸》之後嘅未來世界。X-Men慘被機械人追殺,幾乎滅族咁滯。為咗拯救族群,狼人被send返去70年代,聯合新癱瘓嘅X教授及磁力王,企圖改變歷史,為X-Men未來而戰。
硬撐國貨
由於劇情大玩時空交錯,新舊版X教授、磁力王將會一齊登場,過往6集出現過嘅妖后、暴風女神不但回歸助陣,電影更安排一群新角色登場。當中最矚目,梗係我哋范冰冰啦,佢飾演嘅Blink,打得又識得瞬間移動,都幾大發揮o架!何況潮興「愛祖國,睇國貨」。「識」得睇一定係睇范冰冰啦!
文章編號: 201404252240020